د لوګر ولایت استیناف محکمې له ریاست سره د یاد ولایت د تخنیکي هیئت د همغږۍ ناسته جوړیدل
د لوګر ولایت استیناف محکمې له ریاست او د یاد ولایت د ځمکو د غصب د مخنیوي د تخنیکي هیئت ترمنځ د همغږۍ ناسته، د ۱۴۴۵ هجري قمري کال د محرم الحرام د میاشتې په ۵ نېټه د شنبې په ورځ د یاد ولایت د استیناف محکمې په ریاست کې جوړه شوه.
په دغې ناسته کې د لوګر ولایت د استیناف محکمې رئیس، د تخنیکي هیئت رئیس او غړو ګډون کړی وو او د یاد هیئت او استیناف محکمې ریاست ترمنځ د همغږۍ او تفاهم رامنځ ته کیدلو په اړه يې بحث او خبرې وکړې.
په یاده ناسته کې د استیناف محکمې رئیس د یاد ولایت له تخنیکي هیئت څخه وغوښتل چې یو شمېر علما او مصلحین مشخص کړي او ځینې موضوعات چې په هغو کې املاکي شبه نه وي، د خلکو ترمنځ د شخړو مخنیوي په منظور د هغوی له لارې حل او فصل کړي.
په یاده ناسته کې پریکړه وشوه چې د امارتي ځمکو او هغه ځمکې چې د امارتي توب شبه په کې وي او دغه راز هغه دوسیې چې محکمې او تخنیکي هیئت سره په جریان کې دي، د تخنیکي هیئت له لوري بررسي شي.
