د لغمان ولایت د ځمکو د غصب د مخنیوي د تخنیکي هیئت ناسته جوړه شوه
د لغمان ولایت د ځمکو د غصب د مخنیوي د تخنیکي هیئت ناسته د شوال میاشت په ۲۶ نېټه د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب د مخنیوي اړوندو بېلابېلو موضوعاتو په اړه په کې بحث او خبرې وشوې.
په دغې ناسته کې، تخنیکي هیئت د پړاویي سیمې د الکوزیو قوم د موضوع په اړه بحث وکړ او دوسیه یې د هغوی د استازو په حضور کې بررسي کړه. هیئت د دوسیې په شمول د سترې محکمې لارښوونه، تر ثاني امر پورې دغې برخه کې د تصمیم نه نیولو په اړه حاضرینو ته بیان کړه او پریکړه وشوه چې دعوا باید وځنډول شي.
هیئت د قرغه یي ولسوالۍ په کاکڅ ساحه کې د ۵۰ جریبه ځمکې له اجاره دار او هغو اشخاصو سره چې د نوموړي د کار مانع ګرځي، هم وکتل. یادو شویو خلکو وویل چې له کلنو راهیسې پر دغې ځمکه کرکیله او کار کوي او د هغوی حق وو، چې ځمکه هغوی ته په اجاره ورکول شوې وه. هیئت هغوی ته قناعت ورکړ چې اجاره دار ځمکه د داوطلبۍ په ترڅ کې په اجاره اخیستې ده.
په دغې ناسته کې، د قرغه یي ولسوالۍ د سنګي ګدام د ۷ جریبه او ۱۷ بسوې ځمکې په تړاو د ارزاقو د مدیریت دوسیه او د سرخکان د زنګوري ساحې د اوسیدونکو دوسیه هم بحث او بررسۍ لاندې ونیول شوه او هیئت د زنګوري خلکو د دوسیې په اړه پریکړه وکړه چې دوسیه بیاځل محکمې ته راجع شي ترڅو په اړه یې پریکړه وکړي.
د دوو اشخاصو د لوړپوړیزې ودانۍ د ځمکې په اړه د ځمکې د مالک او متصرف په حضور کې بحث وشو او برآوردونه متصرفینو ته تشریح شول. هیئت د غبرګولي میاشت تر ۲۰ نېټې متصرفینو ته وخت ورکړ ترڅو پر دغو ځمکو کورونه تخلیه کړي او هغه یې مالک ته وسپاري.
