د لغمان ولایت د ځمکو د غصب د مخنیوي د تخنیکي هیئت د ناستې جوړیدل
د لغمان ولایت د ځمکو د غصب د مخنیوي د تخنیکي هیئت ناسته د ذوالقعدې میاشتې په ۱ نېټه د یکشنبې په ورځ د دغه هیئت د رئیس او غړو په حضور سره جوړه شوه او په ختیځ شهر نو کې د دوو اشخاصو تر دعوا لاندې حقوقي دوسیه بررسي شوه او له هغوی څخه سندونه وغوښتل شول. مدعی شخص، یاده ځمکه امارتي او د خپل کور حریم وباله. هیئت هغوی ته لارښوونه وکړه چې تر وروستۍ پریکړې په یادې ځمکه له کار څخه ډډه وکړي.
تخنیکي هیئت له غونډې څخه وروسته د ختیځ شهر نو ساحې ته ولاړ او یاده ځمکه یې له نږدې څخه بررسي کړه. یاد شوي هیئت ښاروالۍ ته دنده وسپارله چې مشخصه کړي چې یاده ساحه د ماسټر پلان مطابق ده که نه ترڅو په راتلونکې غونډه کې په یې اړه تصمیم ونیول شي.
په دغې ناسته کې، ګدام سنګي ساحه کې د ارزاقو د مدیریت د ۱۷ بسوې ځمکې موضوع هم بررسي شوه او هیئت د دعوا مقابل لوري دوو اشخاصو څخه سندونه وغوښتل. هغوی وویل چې ځمکه یې پخوا د داوطلبۍ په ترڅ کې له دولت څخه پېرلې ده او د ځمکې اړوند سندونه سوځیدلي دي. په همدې توګه پر امارتي ځمکه د دوکانونو جوړلو یو بله دوسیه هم بررسي شوه او اړونده سندونه یې ترتیب شول.
