د فراه ولایت د والي له مرستیال سره د یاد ولایت ځمکو د غصب د مخنیوي تخنیکي هیئت کتنه
د فراه ولایت د ځمکو د غصب د مخنیوي تخنیکي هیئت د ذوالحجې د میاشتې په ۲۰ نېټه د شنبې په ورځ د یاد ولایت د والي له مرستیال سره ناسته جوړه کړه.
په یاده ناسته کې، یاد شوي هیئت د فراه ولایت د والي مرستیال ته د دغه هیئت له رامنځته کېدلو څخه تر دې دمه د خپلو فعالیتونو او لاسته راوړنو معلومات وړاندې کړل.
د والي مرستیال د یاد هیئت کړنې وستایلې او له تخنیکي هیئت سره د همکارۍ ډاډ ورکړ او ژمنه يې وکړه چې د ولایت مقام به د تصرفاتو بندولو او له غاصبینو سره د چلند په برخه کې له تخنیکي هیئت سره همکاري وکړي.
په دغې ناسته کې، د یو شمېر نورو موضوعاتو په اړه هم بحث او د نظرونو تبادله ترسره شوه.
