د غور ولایت د ځمکو د غصب د مخنیوی د تخنیکي هیئت ناسته جوړه شوه
د غور ولایت د ځمکو د غصب د مخنیوي د تخنیکي هیئت ناسته د شوال میاشت په ۲۶ نېټه د سه شنبې په ورځ د دغه هیئت د رئیس او غړو په حضور سره جوړه شوه او د یو شمېر اشخاصو عریضې او ادعاوې په کې بررسي شوې.
په دغې ناسته کې، د قطس ساحې اړوند د یو شخص د عریضې په اړه خبرې وشوې او پریکړه وشوه چې هیئت راتلونکي ورځ د اشخاصو د سندونو له مخې له ساحې څخه لیدنه او بررسي ترسره کړي.
په همدې توګه په دغې ناسته کې د غونډې غړو په نورکوه ساحه کې د څو تنو اشخاصو تر شخړې لاندې سیمې څخه د لیدنې او بررسۍ په اړه خپل راپور وړاندې کړ او یادو اشخاصو ته وویل شو چې خپل اثباتي مدارک وړاندې کړي.
دغه راز د دوو تنو نور د ادعا لاندې ځمکې په اړه هم بحث وشو او د هیئت په دغې برخه کې د خپل عملي اجراآتو راپور وړاندې کړ او یادو اشخاصو ته وخت ورکړل شو ترڅو خپل سندونه وړاندې کړي.
