د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته، د ذوالقعدې میاشتې په ۹ نېټه د سه شنبې په ورځ د دغه هیئت د رئیس او غړو په حضور سره جوړه شوه او د ځینو موضوعاتو په اړه په کې بحث وشو او په اړه یې لازم تصمیمونه ونیول شول.
په دغې ناسته کې د قلعه کهنه اړوند د یو شخص د سندونو برخه کې پریکړه وشوه چې له استیناف محکمې څخه دغې برخه کې معلومات وغوښتل شي او په همدې توګه د یو بل شخص د کور د ځمکې د موضوع په اړه پریکړه وشوه چې د استعلام په ترڅ کې له نوموړي څخه سندونه وغوښتل شي.
په یادې ناسته کې د څو نورو موضوعاتو په اړه هم بحث وشو او پریکړه وشوه چې له اشخاصو او ادارو څخه د استعلامونو په ترڅ کې معلومات وغوښتل شي او هم پریکړه وشوه چې د یو بل شخص موضوع د وروستي تصمیم له پاره مرکزي کمېسیون ته واستول شي.
