د غور او غزني ولایتونو د تخنیکي هیئتونو ناستې جوړې شوې
د غور او غزني ولایتونو د ځمکو د غصب د مخنیوي د تخنیکي هیئتونو ناستې د دوو تېرو ورځو په ترڅ کې جوړې شوې او د ځینو غصب شوي ځمکو د بررسۍ په اړه په کې لازم تصمیمونه ونیول شول.
د غور ولایت د تخنیکي هیئت ناسته د هیئت د رئیس او غړو په حضور سره جوړه شوه او د ځینو ځمکو د سندونو د بررسۍ په اړه په کې بحث وشو او لازم تصمیمونه ونیول شول.
هیئت د ګلدرې پنبه کار ځمکې موضوع بررسي کړه او پریکړه یې وکړه چې تخنیکي هیئت د سه شنبې په ورځ ساحې ته حاضر شي او خپل سندونه په ساحه کې تطبیق کړي.
دغه راز هیئت د معلمینو د ښارګوټي موضوع بررسي کړه او پریکړه یې وکړه چې ساحه کې په حضور سره، د ښارګوټي ځمکه ولیدل شي او د اشخاصو او اړوندو ادارو سندونه پرې تطبیق شي.
په همدې حال کې د غزني ولایت د تخنیکي هیئت ناسته د هیئت د رئیس او غړو په حضور سره جوړه شوه او د مهاجرینو ښارګوټي، سلطان محمود ښارګوټي او د پولیسو ښارګوټي ته څېرمه د ۱۷۰ جریبه ځمکې د موضوع په اړه بحث وشو او لازم تصمیمونه ونیول شول.
په دغې ناسته کې د هیئت غړو خپل نظرونه شریک کړل ترڅو د هیئت کارونه د منظم پلان له مخې پرمخ ولاړ شي.
