د غزني ولایت د عدلیې ریاست او امنیه قوماندانۍ ترمنځ د همغږۍ ناسته جوړه شوه
د غزني ولایت د عدلیې رئیس، مولوي مطیع الحق عثمان او مل پلاوي د ذیالقعدې د میاشتې په ۱۸مه نېټه د سېشنبې په ورځ، د دغه ولایت د امینه قوماندانۍ له مرستیال، مولوي محمد طاهر مبارز سره د همغږۍ ناسته جوړه کړه.
په دې ناسته کې د دواړو ادارو ترمنځ د لا زیاتو همغږیو او د کورونو د کرایې د کنټرول بهیر د ښه تنظیم په هکله هر اړخیزې خبرې وشوې. دواړو لورو ټینګار وکړ چې اداري ستونزې دې د همغږۍ له لارې حل شي او د کورونو د کرایو د غیرقانوني لوړوالي مخنیوی د ټولو ادارو ګډ مسؤولیت دی، چې باید په جدي توګه تعقیب شي.
همداراز په یاده ناسته کې پرېکړه وشوه چې له دې وروسته د غزني ولایت په کچه کرایه نیونکي کولای شي په اړوندو حوزو کې خپل شکایت درج کړي او په هغه صورت کې چې موضوع په حوزه کې حل نه شي، اړونده حوزه دې موضوع د کورونو د کرایې د کنټرول کمېټې ته راجع کړي.
دغه راز په یاده ناسته کې د دواړو ادارو ترمنځ د همکاریو او همغږیو پر زیاتېدو ټینګار وشو او د دواړو ادارو مسؤولینو ډاډ ورکړ چې په دې برخه کې به لازیاتې هلې ځلې وکړي.
