د عدلیې وزارت د ۳ تشو بستونو رقابتي ازموینه اخیستل
د اسلامي امارت د عدلیې وزارت د بشري سرچینو ریاست د ربیع الثاني د مياشتې په ۶ مه نېټه د چهارشنبې په ورځ، د یاد وزارت د قانون جوړونې عمومي رياست دريمې رتبې د درېو (۳) تشو بستونو رقابتي ازموینه د آزادې سیالې له لارې واخیسته.
په دې ازموینه کې چې د عدلیې وزارت په مقر کې واخیستل شوه، د بشري سرچینو رئیس مولوي رحمت لله حلیم، د تقنيني سندونو د ژباړې او د رسمي سندونو د ژباړې د تصدیق رئيس مفتي احمد الفجر او د یاد وزارت نورو مسؤولینو حضور درلود او د ازموینې له بهیر څخه یې څارنه وکړه.
د ازموینې په پیل کې د عدلیې وزارت د بشري سرچینو رئیس د یادو بستونو د اهميت، د ازموینې د ډول او د پوښتنو څرنګوالي په اړه معلومات ورکړل او ګډونوالو ته یې د ازموینې پروسې له روڼتیا څخه ډاډ ورکړ.
په دغې ازموینه کې د ګډون لپاره ۱۳۴ تنه په شرایطو برابر پېژندل شوي وو او له دې جملې څخه د هغوی ۱۰۱ تنو په ازموینه کې ګډون وکړ او د یادو بستونو ترلاسه کولو لپاره یې په خپلو کې سیالي وکړه.
