د عدلیې وزارت د یو تش بست د رقابتي آزموینې اخیستل
د اسلامي امارت د عدليې وزارت د بشري سرچینو ریاست د ربیع الاول د میاشتې په ۱۸ نېټې د سه شنبې په ورځ د یاد وزارت د دعوت او ارشاد د ریاست اړوند د جومات د امام د تش بست آزموینه د آزادې سیالۍ له لارې واخیسته.
په دغې آزموینې کې چې د عدليې وزارت په مقر کې ترسره شوې وه، د بشري سرچینو رئیس مولوي رحمت الله حلیم او د عدليې وزارت د دعوت او ارشاد رئیس مفتي محمد زرین ساجد او د دغه وزارت نورو مسؤلینو حضور درلود.
په دغې آزموینې کې د ګډون لپاره ۷ تنه په شرایطو برابر پېژندل شوي وو او له دغې جملې څخه د هغوی ۵ تنو په آزموینې کې برخه واخیسته او د یاد بست ترلاسه کولو په موخه یې په خپلو کې رقابت وکړ.
