د عدلیې وزارت د مرکزي رئیسانو د اداري ناستې جوړیدل
د اسلامي امارت د عدليې وزارت د مرکزي رئیسانو اداري ناسته د ۱۴۴۴ هجري قمري کال د شوال میاشتې په ۲۷ نېټه د چهارشنبې په ورځ د مسلکي معین شیخ الحدیث مولوي عبدالکریم حیدر په مشرۍ او د دغه وزارت د مرکزي رئیسانو او نورو مقاماتو په ګډون جوړه شوه.
په دغې ناسته کې، په آجنډا کې د شاملو یو لړ موضوعاتو په اړه بحث وشو او دغې برخه کې لازم تصمیمونه ونیول شول. په دغې ناسته کې د عدلیې وزارت منسوبینو ته لارښوونه وشوه چې ورسپارل شویو چارو کې له اصولو څخه پیروي وکړي او د ستونزو رامنځ ته کیدلو په صورت کې د دغه وزارت مشرتابه په جریان کې واچوي.
په دغې ناسته کې، ولایتونو ته د پلاوو د استولو او د ولایتونو له عدلیې ریاستونو څخه د بررسۍ په اړه هم بحث وشو او د مسلکي معین په مشرۍ یو لوړ پوړی پلاوی تعیین شو ترڅو د ولایتونو پنځو زونونو ته سفر وکړي او د عدلیې ریاست ستونزو ته رسیدګي وکړي.
په دغې ناسته کې، د یو شمېر نور موضوعاتو په اړه هم بحث او د نظرونو تبادله وشوه او دغې برخه کې لازم تصمیمونه ونیول شول.
