د عدلیې وزارت د مدافع وکيلانو رياست او د کابل ولایت د استیناف محکمې ترمنځ د همغږۍ ناسته جوړه شوه

barekzai_admin
یکشنبه ۱۴۰۵/۹/۱ - ۱۱:۳۹
.

 د عدلیې وزارت د مدافع وکیلانو رئیس، محترم مفتي ضیاءالحق ثاقب او ورسره مل پلاوي د جمادي‌الآخره د مياشتې په ۲مه نېټه د دوشنبې په ورځ د کابل ولایت د استیناف محکمې له رئیس، محترم مفتي ذبیح الله ساجد سره د همغږۍ ناسته ترسره کړه.
په دې ناسته کې د مدافع وکیلانو رئیس څرګنده کړه چې اړتیا ده د کابل ولایت د استیناف محکمې د وثایقو ټول آمریتونه د مدافع وکیلانو د دفاع وکالت د صادر شویو وثایقو نوملړ (اندراج) د عدلیې وزارت د مدافع وکیلانو له ریاست سره شریک کړي.
همداراز نوموړي وویل چې د فساد، جعل او فریب د مخنیوي لپاره اړینه ده چې د دفاع وکالت وثیقې یوازې هغو کسانو ته صادرې شي چې له عدلیې وزارت څخه د فعالیت رسمي جواز ولري او له جواز پرته هېڅ شخص ته د دفاع وکالت اجازه ورنه‌کړل شي.
له بلې‌خوا په یاده ناسته کې د کابل ولایت د استیناف محکمې رئیس هم د عدلیې وزارت د مدافع وکیلانو له ریاست سره د هر اړخیزې همکارۍ ډاډ ورکړ او زیاته یې کړه چې د صادر شویو وثایقو نوملړ به له دغه ریاست سره شریک شي او دغه راز مدافع وکیلانو ته د وثیقې د صادرولو په برخه کې به لا زیاته پاملرنه وشي. 

تازه خبرونه

یکشنبه ۱۴۰۵/۹/۱ - ۱۱:۳۹
Background image

د عدلیې وزارت د مدافع وکيلانو رياست او د کابل ولایت د استیناف محکمې ترمنځ د همغږۍ ناسته جوړه شوه

 د عدلیې وزارت د مدافع وکیلانو رئیس، محترم مفتي ضیاءالحق ثاقب او ورسره مل پلاوي د جمادي‌الآخره د مياشتې په ۲مه نېټه د دوشنبې په ورځ د کابل ولایت د استیناف محکمې له رئیس، محترم مفتي ذبیح. . .

دوشنبه ۱۴۰۵/۸/۴ - ۱۴:۱۶
Background image

د عدلیې وزارت ته د اطفالو د اصلاح او تربیې مرکزونو د لېږد رسمي کار پیل شو

 د زندانونو د چارو د تنظیم له ادارې څخه د عدلیې وزارت ته د اطفالو د اصلاح او تربیې مرکزونو (دارالتأدیب) د لېږد مؤظف شوي پلاوي چې د عالیقدر امیرالمؤمنین حفظه الله تعالی د حکم پر بنسټ. . .

یکشنبه ۱۴۰۵/۸/۳ - ۱۴:۵۷
Background image

د عدلیې وزارت د حقوقي مرستو ریاست کارکوونکو لپاره د زده کړه‌ ییزې برنامې پیلېدل

 د عدلیې وزارت د حقوقي مرستو رياست مرکزي او ولایتي آمرينو لپاره د «مسلکي او اداري زده کړې» تر سرلیک لاندې، شپږ ورځنۍ زده کړه ییزه برنامه د جمادي الأولی د مياشتې په ۱۲مه نېټه د شنبې په. . .

BACK TO NEWS