د عدلیې وزارت د تقنیني ستاژ برنامې د شپږمې دورې د ازموینې له پاره د نوم لیکنې خبرتیا
د امارتي او خصوصي پوهنتونونو د شرعیاتو او حقوقو د پوهنځیو او همدغه راز د دیني مدرسو هغو فارغانو ته چې د هغوی سندونه د لیسانس په سویه د اړوندو مراجعو له خوا تایید شوي وي، خبر ورکول کېږي چې:
د تقنیني ستاژ د برنامې د شپږمې دورې د ورودي ازموینې لپاره نوم لیکنه د ۱۴۰۱ هـ.ش کال د لېندۍ د میاشتې له ۱۵ نېټې څخه پیل او د ۱۴۰۱ هـ.ش کال د سلواغې د میاشتې تر ۱۵ نېټې پورې دوام کوي.
د اړتیا وړ سندونه:
- په برنامه کې د شمولیت غوښتنلیک د فورمې بشپړول.
- د تابیعت د تذکرې رنګه کاپي.
- د لوړو زده کړو وزارت د تایید شوي دیپلوم او د نمرو ترانسکریپت رنګه کاپي.
- څلور ۳/۴ عکسونه.
هغه داوطلب چې د شمولیت د غوښتنلیک د وړاندې کولو په وخت کې یې، د خپل فراغت دیپلوم نه وي اخیستی، کولای شي د خپل فراغت رسمي تصدیق د نمرو له ترانسکریپت سره د لوړو زده کړو وزارت په تایید سره د لوړو زده کړو له بنسټ څخه وړاندې کړي.
د ازموینې سرچينې:
- عقیدة الطحاوی
- مجلة الاحکام العدلیة (عمومي برخه)
- د اسلام د جزا حقوق ( عمومي او اختصاصي)
- د اسلام د حقوقو اساسات
- د حقوقو د علم مبادي
- عمومي بین المللي حقوق
- د کورنۍ حقوق
- د عمومي جزا حقوق
- د وجایبو حقوق
یادښت:
- محترم داوطلبان کولای شي د نوم لیکنې فورمه له دغه ځای څخه ترلاسه کړي.
- محترم داوطلبان مکلف دي پورته یاد شوي سندونه په پلاستیکي دوسیه کې د اصول جوړونې او د علمي– حقوقي څېړنو د چارو د انستیتوت د اصولو د مطالعې، تشریح او زده کړې دیپارتمنت ته وسپاري.
