د عدليې وزیر په افغانستان کې د نظم د واکمنۍ د ملاتړ د وجهي صندوق د څارنې او ارزونې د برخې له مسؤل سره خبرې وکړې.

د عدليې وزیر په افغانستان کې د نظم د واکمنۍ د ملاتړ د وجهي صندوق د څارنې او ارزونې د برخې (LOTFA) له مسؤل کوان پاد سوهي ـ همکت سره چې د ملګرو ملتونو سازمان (UNDP) یو له پرمختیایې پروګرامونو څخه یو دی، د عدلي او قضايې همکاریو په باره کې خبرې وکړې.

دغه خبرې د ۱۳۹۹ کال د غبرګولى د میاشتې په لومري نېټه د ۵ شنبې ورځ په آنلاین ډول تر سره شوې چې د عدلي او قضايې په برخه کې په مخاطبانو پورې اړوند د سروې او څیرنې د تر سره کولو او په بیلا بیلو برخو کې د همکاریو د دوام په هکله له دغه صندوق سره د عدلیې وزارت د همکارۍ په باره کې خبرې وشوې.

ښاغلي کوان وویل په افغانستان کې له نظم او واکمنۍ سره د ملاتړ وجهي صندوق وایې د هېواد په کچه د هېواد د واکمنۍ او د کورنیو چارو وزارت او د عدلي او قضايې بنسټونو د ارتباطي فعالیتونو او په مخاطبانو باندې د هغو د اغیزو په باره کې دوه سرویګانې ترسره کړې.

د هېواد د عدليې وزیر د دغه شان څیرنې د ترسره کولو په هرکلي سره چې هیله لري په دې برخه کې د دغه صندوق همکارۍ په دې څیرنه کې د شاملو عدلي او قضايې بنسټونو د فعالیتونو د لازیات اغیزمنتوب د زیاتوالی سبب شي.

داکټر عبدالبصیر انور په دغو خبرو کې دغه راز د یو عدليې او قضايې بنسټ په توګه د عدليې وزارت د مسؤلیتونو او په تیرو ۵ کلونو کې د هغو د فعالیتونو په باره کې خبرې وکړې.

هغه دغه راز د څیرنې د لازیات اغیزمنتوب په منظور د څارنې او ارزونې (LOTFA) برخې له مسؤل سره مهم ټکي شریک کړل او په دې اړوند کې هم یو لر پوښتنې طرحه کړې.

ښاغلي کوان د دې څیرنې په باره کې د توضیحاتو په وړاندې کولو وویل چې جز‌ييات به يې ډیر ژر د عدليې له وزارت سره شریک کړی شي.

هغه دغه راز د عدليې وزارت فعالیتونه مهم وبالل او د مسؤلیتونو د اجرا په لاره کې يې د دې وزارت له اقداماتو سره مننه وکړه.