د سمنګان ولایت د عدلیې ریاست د اداري ناستې جوړیدل
د سمنګان ولایت د عدلیې ریاست اداري ناسته د جمادي الاول میاشتې په ۲۱ نېټې د سه شنبې په ورځ د سمنګان ولایت د عدليې رئیس الحاج قاري فراح الدین محمدي په مشرۍ او د یاد ریاست د آمرینو او کارمندانو په حضور سره جوړه شوه.
دغه ناسته چې د کلام الله مجید په سپیڅلي کلام سره پیل شوه او په هغې کې د عدلیې رئیس د یاد ریاست کارمندانو ته د چارو د ښه والي په منظور لازمې لارښوونې وسپارلې. نوموړي د یاد ریاست کارمندانو ته د هغوی د دندو او د هغوی مسؤولیتونو ته د توجو،، په وخت د چارو د اجرآ، د ۱۴۰۳ مالي کال تشکیل، د عدلیې وزارت له داخلي پلټنې سره د همکارۍ او په نبوي سنتو د ځانونو سمبالولو په تړاو لازمې توصیې وکړې.
په پای کې د یاد ریاست آمرینو او کارمندانو خپلې ستونزې او وړاندیزونه مطرح کړل چې د عدلیې رئیس لهخوا د هغو د لري کولو په برخه کې د همکارۍ ژمنه وسپارل شوه.
