د سمنګان ولایت امنیه قوماندانۍ او د افغانستان بانک له استازو سره د یاد ولایت د عدلیې رئیس کتنه
د سمنګان ولایت د عدليې رئیس قاري فراح الدین محمدي، د ذوالحجې میاشتې په ۱۶ نېټه د سه شنبې په ورځ په سمنګان ولایت کې د امنیه قوماندانۍ او د افغانستان بانک د نمایندګۍ ترمنځ دعوا ته د رسیدګۍ په منظور د امارت د قضایاو د آمر، د کور او ښار جوړولو ریاست د استازي او د یاد ریاست د مسلکي غړو په حضور کې د یاد ولایت د امنیه قوماندانۍ او د افغانستان بانک له استازو سره وکتل او خبرې وکړې.
په دغې ناسته کې چې د عدليې وزارت په مقر کې جوړه شوه، د عدلیې رئیس د عدليې ریاست او د امارت د قضایاو آمریت د صلاحیتونو او امارتي ادارو ترمنځ دعواو ته د رسیدګۍ په اړه لازم توضیحات وړاندې کړل.
په دغې ناسته کې، د دعوا دواړو لورو خپل دلایل او سندونه وړاندې کړل. په پایله کې تصمیم ونیول شو چې لومړی تر دعوا لاندې ساحو ته ولاړ شي او د ۱۴۴۶ ه.ل کال له نقشې سره سم اصولي اجراآت صورت ومومي.
