د خوست ولایت د ځمکو د غصب د مخنیوي د تخنیکي هیئت ناسته جوړه شوه
د خوست ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۱۶ نېټه د دوشنبې په ورځ د یاد شوي هیئت د رئیس او غړو په حضور سره جوړه شوه او دغه ولایت کې له ځینو ساحو څخه هم لیدنه وشوه.
وروسته یاد هیئت په دوو ګروپونو وویشل شو او لومړی ګروپ د غړومبي سیمې پاتې ساحو ته ولاړ او د هغې دوه ټوټې یې بررسي کړه.
د دغه هیئت دوه یم ګروپ د دغه ولایت د بېلابېلو ساحو له اوسیدونکو سره په کرنې ریاست کې وکتل او د هغوی د موضوعاتو په اړه یې له هغوی سره خبرې وکړې او په همدې توګه د هغوی د سندونو په تړاو یې اړوندو ادارو ته استعلامونه وویشل. مرکزي کمېسیون ته د راپورونو وړاندې کولو په منظور یو شمېر دوسیې هم ترتیب شو.
د دغه هیئت ټول غړي د والي د لارښوونې په اساس هدیرې ته د مشخصې قطعې د تعیین په منظور خونې خوړ او صحرا باغ ساحو ته ولاړ او دوه ټوټې یې له نږدې نظارت او بررسي کړې چې وروسته به یې په اړه تصمیم ونیول شي.
