د خوست ولایت تخنیکي هیئت د غصب شویو ځمکو د تثبیت په برخه کې عملي اقدامات ترسره کړل
د خوست ولایت د ځمکو د غصب د مخنیوي د تخنیکي هیئت ناسته د هیئت د رئیس او غړو په حضور سره جوړه شوه او دغه ولایت کې یې له ځینو ساحو څخه لیدنه وکړه.
تخنیکي هیئت د ناستې له جوړیدلو څخه وروسته په دوو ګروپونو وویشل شو او یو ګروپ یې ځینې دوسیې او سندونه بررسي کړل او له ځینو اشخاصو سره یې وکتل.
د هیئت دوه یم ګروپ د حیدرخیل سیمې اړوند دو سرکه او للمي ساحې ته ولاړ او ۱، ۲، ۲۴، ۱۸۲، ۱۸۱ و ۱۸۰ کادستري قطعې له نقشو سره سم په ساحه کې تطبیق کړي او غاصبین یې د هیئت راتلونکې غونډې ته وغوښتل.
یاد شوی هیئت کاروان سرای ساحې ته ولاړ او په مجموع کې دوه یمه دولتي قطعه په عملي بڼه ساحه کې تطبیق کړه ترڅو په اړه یې لازم تصمیم ونیول شي.
