د ختیځ زون ولایتونو د عدلیې ریاستونو مسلکي غړو لپاره د شپږ ورځني زده کړییز سیمینار جوړول

hayat_admin
سه‌شنبه ۱۴۰۲/۹/۷ - ۱۱:۴۷
.

د عدلیې وزارت د بشري سرچینو ریاست د زده کړو او ظرفیت لوړولو آمریت، د جمادي الاول میاشتې په ۱۱ نېټې د شنبې په ورځ د ختیځ زون ولایتونو د عدلیې ریاستونو مسلکي غړو لپاره شپږ ورځنی زده کړییز سیمینار د ننګرهار ولایت د عدلیې ریاست په تالار کې جوړ کړ.

په دغه سیمینار کې چې د امارت د قضایاو د مسلکي زده کړو تر سرلیک لاندې جوړ شوی د ننګرهار، کنړ، نورستان او لغمان ولایتونو د عدليې ریاستونو ۲۵ تنو مسلکي غړو ګډون وکړ او د غصب او له هغه سره د مبارزې د حل لارو، د ځمکو د غصب د مخنیوي قانون او اړوندې لایحې، دعوا او د هغې شرایط، د برنامې جوړولو او د ادارې د انسجام په چارو کې د اداري مراسلاتو د اهمیت په اړه لازمې زده کړې ترسره کوي.

د یاد سیمینار په پرانیسته کې د ننګرهار ولایت د عدلیې رئیس مولوي فاتح الله فاتح خبرې وکړې او د دغه ډول سیمنارونو جوړول یې اغیزمن وبلل.  نوموړي د دغه سیمینار له ترسره کوونکو څخه مننه او قدرداني څرګنده کړه او په راتلونکي کې هم د دغه راز برنامو جوړولو غوښتنه وکړه.

وروسته د عدلیې وزارت د بشري سرچینو د ریاست د زده کړو او ظرفیت لوړولو آمر مفتي احمد ضیاء خبیب د زده کړه ییزو برنامو د ګټورتوب، اغیزمنتوب او اهمیت په اړه خبرې وکړې او د ګډون کوونکو لپاره یې د بریالیتوب هیله وکړه.

د عدلیې وزارت د بشري سرچینو ریاست د زده کړو او ظرفیت لوړولو آمریت د یاد وزارت د کارمندانو د کاري ظرفیت لوړولو په منظور وخت په وخت دغه ډول برنامې جوړوي او د یاد وزارت د کارمندانو د ظرفیت لوړولو په موخه هلې ځلې کوي.

تازه خبرونه

چهارشنبه ۱۴۰۲/۱۲/۲ - ۱۰:۵۹
Background image

د کاپیسا د یو ښوونځي کې زده کوونکو لپاره د حقوقي پوهاوي ورکولو برنامه جوړول

د کاپیسا ولایت د عدلیې ریاست د یاد ولایت په مرکز کې د یو خصوصي ښوونځي ۶۰ تنو زده کوونکو لپاره حقوقي پوهاوی وړاندې کړ.

په دې برنامه کې چې د شعبان د میاشتې په ۹ نېټه د سه شنبې په ورځ. . .

سه‌شنبه ۱۴۰۲/۱۲/۱ - ۱۴:۸
Background image

پنجشیر کې څه باندې ۷ جریبه ځمکه وقفي تثبیت شوه

د پنجشیر ولایت د ځمکو د غصب د مخنیوي تخنیکي هیئت د یاد ولایت په عنابې ولسوالۍ کې ۷.۷ جریبه ځمکه وقفي تثبیت کړه.

یاد هیئت د شعبان د میاشتې په ۷ نېټه د یکشنبې په ورځ د پنجشیر ولایت عنابې. . .

سه‌شنبه ۱۴۰۲/۱۲/۱ - ۱۲:۰
Background image

په عدلیې وزارت کې د دفاع وکالت د ستاژ لومړي سمستر وروستۍ ازموینه اخیستل

د اسلامي امارت د عدلیې وزارت د دفاع وکالت د ستاژ دوه یم دور د لومړي سمستر وروستۍ ازموینه د یاد وزارت په مقر کې واخیسته.

په دې ازموینه کې چې د شعبان د میاشتې په ۹ نېټه د سه شنبې په ورځ. . .

BACK TO NEWS