د حقوقي مرستو د ریاست د اوونیزې ناستې جوړیدل
د عدليې وزارت د حقوقي مرستو ریاست اوونیزه ناسته د حقوقي مرستو رییس مولوي رحمت الله حقاني په مشرۍ او ددغه ریاست د آمرینو او کارکوونکو په ګډون جوړه شوه.
دغه ناسته د ستونزو او ننګونو د هوارولو او د کاري چارو د ښه والي له پاره هغو ته د حل لار لټولو او ددغه ریاست د او محکمو ترمنځ د لا زیاتې همغږۍ په منظور، د یاد ریاست په تالار کې جوړه شوه.
دغې ناسته کې، د حقوقي مرستو رییس ددغه ریاست او د هېواد محکمو ترمنځ د موجودو ستونزو او ننګونو په اړه خبرې وکړې، او ويې ویل چې ددغې موضوع په اړه د سترې محکمې له مسوولینو سره د هغمږۍ ناسته کې هم بحث وشو او د سترې محکمې د دارالانشا رییس له مساعدینو سره د محکمو عدم همغږۍ او د چلند عادي نه کیدل د محکمو د اجراآتو اصولنامې سره د حقوقي مرستو د مقررې مخالفت وباله او ویې ویل چې دغه موضوع باید مشرانو ته په مراجعې سره حل شي.
دغه راز د حقوقي مرستو رییس د ښځینه طبقې حقوقي مساعدینو له پاره د اړتیا په تړاو خبرې وکړې، ویې ویل چې د ښځینه حقوقي مساعدینو عدم حضور، توقیف خانو او محابسو او محاکماتي بهیر کې د ښځینه مظنونیو او تورونو په نسبت زیاتې ننګونې رامنځ ته کړي دي.
دغې ناسته کې پریکړه وشوه چې د حقوقي مرستو رییس موضوع د وزارت له مقام سره شریکه کړي او د وزارت د مقام له لارښوونې څخه وروسته په دغې برخه کې لازم اقدامات ترسره کړي.
دغه راز یاده ناسته کې مدني او سوداګریزو قضیو کې د حقوقي مساعدینو د توظیف په اړه بحث وشو او دغه راز قضیو کې د حقوقي مساعدینو د توظیف د ستونزو په اړه د نظر تبادله وشوه.
دغې ناسته کې وویل شو چې د حقوقي مرستو د چارو د تنظیم له مقررې سره سم، حقوقي مساعدین د سوداګرۍ، املاکي او د دیونو قضیو پر مخ وړلو صلاحیت نه لري او که چېرې حقوقي مساعدین یادو قضیو کې توظیف شي، د حقوقي مرستو د چارو د تنظیم مقرره باید تعدیل او یا هم په هغې کې ایزاد رامنځ ته شي.
دغه راز یاده ناسته کې په محابسو او توقیف خانو کې د یاد ریاست د عامه حقوقي پوهاوي ورکوونې برخه کې د ستونزو او ننګونو په تړاو بحث او د نظرونو تبادله وشوه او پریکړه وشوه چې ستونزې او ننګونې یادداشت او د ریاست له مقام سره شریک کړل شي ترڅو د هغو د حل برخه کې لازم اقدامات ترسره شي.
