د تخار ولایت د ځمکو د غصب د مخنیوي د تخنیکي هیئت د ناستو جوړیدل
د تخار ولایت د ځمکو د غصب د مخنیوي تخنیکي هیئت ناستې د تېرې اوونۍ دوو کاري ورځو په ترڅ کې جوړې شوې او له مرکزي کمېسیون څخه یو شمېر ترلاسه شوې دوسیې په کې بررسي شوې او د امارتي ځمکو د اجارې ورکوولو په برخه کې هم لازم اقدامات ترسره شول.
هیئت په بهارک ولسوالۍ کې یو انداز ځمکه چې وړاندې تثبیت شوې وه، استرداد کړه او اجارې ته یې وسپارله.
په همدې توګه دغه هیئت شهر کهنه کې د یو اندازه نورې ځمکې د اجارې ورکوولو پروسه پیل کړه او هم یې د ناقلین ګلفګان، ناقلین کنجک سرایسنګ دوسیې او د برښنا شرکت دوسیه يې هم بررسي کړه.
دغه راز یاد هیئت یو شمېر دوسیې چې د ځانګړې محکمې ایجاب یې درلود، اړوندې مرجع ته تحویل کړې.
