د تخار ولایت د خیریه بنسټونو له مسؤلینو سره د یاد ولایت د عدلیې ریاست د همغږۍ ناسته جوړیدل
د تخار ولایت د خیریه بنسټونو له مسؤلینو سره د یاد ولایت د عدلیې ریاست د همغږۍ ناسته د ۱۴۴۵ هجري قمري کال د محرم الحرام د میاشتې په ۵ نېټه د شنبې په ورځ د تخار ولایت د والي مرستیال خال محمد حقاني په مشرۍ او د عدليې رئیس مولوي عبدالدیان منیب، د امر بالمعروف او نهی عنالمنکر رئیس مولوي حبیب الله حنفي او د یاد ولایت د خیریه بنسټونو د استازو په ګډون جوړه شوه.
په دغې ناسته کې، د تخار ولایت عدليې رئیس د خیریه بنسټونو د فعالیت او له بې وزلو او یتیمو وګړو سره د هغو د مرستو او همکارۍ د جلب په اړه خبرې وکړې او د بې وزله خلکو د ستونزو د حل په ځانګړي توګه د ژورو او نیمه ژورو څاګانو کیندلو په برخه کې لازمې توصیې وکړې.
د یادې ناستې په ترڅ کې، خیریه بنسټونو د کړنو او تطبیق شوو پروژو او د روانو کاري برنامو په اړه معلومات وړاندې کړل.
په دغې ناسته کې، د تخار د والي مرستیال د یاد ولایت د خیریه بنسټونو کړنې او فعالیتونه وستایل او له هغو څخه یې قدرداني وکړه او له هغوی سره یې ژمنه وکړه چې د هغوی د ستونزو د حل په برخه کې به له هیڅ ډول هڅو څخه ډډه و نه کړي.
