د بلخ له عدليې رییس سره د دغه ولایت د ولسوالیو د حقوقو د مدیرانو د ناستې جوړیدل
د بلخ ولایت عدليې ریاست د ولسوالیو د حقوقو له مدیرانو سره اداري ناسته د ربیع الاول میاشت په ۲۷ نېټه د یکشنبې په ورځ د دغه ریاست د کنفرانسونو په تالار کې جوړه کړه.
په دغې ناسته کې، د بلخ ولایت د عدليې رییس مولوي امرالله مصلح د مدیریت په اصولو کې د اجرااتو څخه د پایلې ترلاسه کولو په منظور د راپور وړاندې کولو د اصل په اړه خبرې وکړې او د چارو د ښه والي په منظور د اونیز، میاشتنۍ او ربعوار راپور په وړاندې کولو او د ستونزو پر شریکولو يې ټینګار وکړ.
په یاده ناسته کې، د ولسوالیو د حقوقو مدیرانو خپل کاري راپورونه وړاندې کړل، خپل اړتیاوي او ستونزې یې د عدليې له رییس سره شریکې کړې.
دغه راز د عدليې رییس وویل چې په ولسوالیو کې د حقوقي قضیو په بررسۍ کې باید جدي او شرعي اقدامات ترسره شي او د قضیو په رسیدګۍ کې د موثقو اطلاعاتو او سرچینو څخه کار واخیستل شي.
