د بغلان ولایت د عدلیې ریاست اداري ناسته جوړه شوه
د بغلان ولایت د عدلیې ریاست اداري ناسته د ربیع الثاني میاشت په ۲۰ نېټه د سه شنبې په ورځ د عدليې رییس مولوي ګل رسول نصرت په مشرۍ او ددغه ریاست د امرینو او کارکوونکو په ګډون د عدليې ریاست په مقر کې جوړه شوه.
دغه ناسته د کلام الله مجید د څو ایاتونو په تلاوت سره پیل شوه. وروسته د عدليې رییس د موضوع په اړه خبرې وکړې او ددغه ریاست کارکوونکو له پاره یې توصیه وکړ چې حاضرۍ ته پابنده اوسي او په ټاکل شوي وخت خپلو دندو ته حاضر اوسي.
دغه راز نوموړي ددغه ریاست کارکوونکو ته توصیه وکړه چې خپل مسوولیتونه په منظم ډول پرمخ یوسي او له مراجعینو سره ښه رویه ولري.
په دغې ناسته کې د عدلیې ریاست کارکوونکو خپل ستونزې او وړاندیزونه د عدلیې له رییس سره شریک کړل.
