د بادغیس ولایت د عدلیې ریاست اداري ناسته جوړیدل
د بادغیس ولایت د عدلیې ریاست اداري ناسته، د ربیعالثاني د مياشتې په ۲۴ مه نېټه د یکشنبې په ورځ د عدلیې رئیس مولوي عبدالرازق مرزوقي په مشرۍ او د یاد ریاست د آمرینو او کارمندانو په ګډون سره جوړه شوه.
په ياده ناسته کې د بادغیس ولایت، عدلیې رئيس د یاد ریاست کارمندانو ته د خپلو مسؤولیتونو د ترسره کولو، له اوامرو څخه د اطاعت، وخت او حاضرۍ ته د پابندۍ، په جماعت سره د لمانځه د ادا کولو، د متقابل احترام او همکارۍ، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې د یاد ریاست آمرینو او کارمندانو هم د کاري چارو ښه والي په موخه خپل وړاندیزونه مطرح کړل.
