د ارزګان ولایت د عدليې رییس د معاملو د لارښوونو د دفترونو له مسوولینو سره وکتل
د ارزګان ولایت د عدلیې رییس مولوي اختر محمد ثاقب د ربیع الاول میاشتې په ۳ نېټه د پنج شنبې په ورځ د دغه ولایت د معاملو د لارښوونو د دفترونو له یو شمېر مسوولینو سره وکتل.
په دغې لیدنه کې، د عدليې رییس د معاملو د لارښوونو مسوولینو ته د اسلامي شریعت په رڼا کې د پېر او پلور په اړه معلومات ورکړل او ویې ویل چې ټول پېرل او پلورل باید د اسلامي شریعت په چوکاټ کې ترسره شي.
په دغې ناسته کې، د معاملو د لارښوونو مسوولینو خپلې ستونزې د عدليې له رییس سره شریکې کړې او خپلو ستونزو ته یې د رسیده ګي غوښتنه وکړه.
د عدليې رییس د معاملو د لارښوونو له مسوولینو سره ژمنه وکړه چې د هغوی ستونز ته به رسیده ګي وکړي.
