د ارزګان ولایت د تخنیکي هیئت ناسته جوړه شوه
د ارزګان ولایت د ځمکو د غصب د مخنیوي د تخنیکي هیئت ناسته د شعبان میاشت په ۱۷ نېټه د پنجشنبې په ورځ د کرنې او مالدارۍ ریاست د رئیس په مشرۍ او د عدليې رئیس، د استیناف څارنوالۍ د رئیس، د ښاروالۍ د رئیس او ددغه ولایت د مستوفیت د رئیس په ګډون سره جوړه شوه.
یاده غونډه د کلام الله مجید د آیاتونو په تلاوت سره پیل شوه او د تېرې ناستې پر موضوعاتو بحث وشو او راتلونکې غونډې له پاره د خوشکاوې د ځمکې، د موسی زیو د څړځای، د کلاچې د موضوع د تثبیت، د سفارک د ځمکې د بررسې او تثبیت موضوعات مشخص شول.
دغې ناسته کې د راتلونکو اجراآتو له پاره د کوتل او خلیلي کاریزونو د ځمکې د تثبیت موضوع ته لومړیتوب ورکړل شو.
