جوزجان ولایت کې کابو ۴۵۰۰۰ جریبه عامه مرعی ځمکه تثبیت شوه
د جوزجان ولایت د تخنیکی هیئت ناسته د هیئت د رییس او غړو په حضور سره جوړه شوه او هیئت ددغه ولایت مرکز کې د سلمان دښتې ترڅنګ د ګلګون توغي، قوچین او نورو ګاونډیو کلیو ختیځ کې د امارتي غصب شوي عامه مرعی ځمکو په اړه د کادستر او د هیئت د سکرتریت راپور بررسي کړ.
دغې سیمه کې ۴۵۰۰۰ جریبه عامه مرعی ځمکه تثبیت شوه چې زیاته برخه یې غصب شوي او ۸۰ سلنه یې چیم شکني شوې ده.
دغې ناسته کې پریکړه وشوه، د سه شنبه او منګوټي کلیو غصب شوو ځمکو سندونه بررسي شول او اړوند اشخاصو او ادارو ته استعلام وویشل شو او له هغوی څخه وغوښتل شول چې د غاصبینو بشپړ لړلیک او سندونه هیئت ته وسپاري.
په همدې حال کې، د غزني ولایت د تخنیکی هیئت ناسته ددغه هیئت د رییس او غړو په حضور او د شیخ عبدالسلام او ده خداداد ځینو برخو اوسیدونکو سره جوړه شوه.
دغې ناسته کې، ددغو دوو سیمو د خلکو سندونو تر بررسۍ لاندې ونیول شول او د هغوی له پاره استعلام وویشل شو تر څو ځواب وړاندې کړي.
