په کنړ ولایت کې د یو شمېر خیریه بنسټونو او عریضه لیکونکو د فعالیت بررسي او نظارت

hakeem_admin
شنبه ۱۴۰۲/۷/۸ - ۱۲:۱۴
.

د کنړ ولایت د عدلیې ریاست نظارتي هیئت د ربیع الاول د میاشتې په ۱۲ نېټې د چهارشنبې په ورځ د یاد ولایت د مرکز په اسعدآباد ښار کې د یو شمېر خیریه بنسټونو او عریضه لیکونکو فعالیتونه بررسي او نظارت کړل او د هغو له متصدیانو سره یې کتنه او خبرې وکړې.

یاد هیئت د دغو خیریه بنسټونو متصدیانو ته لارښوونه وکړه چې د مرستو د وېش راپور او دغه راز د خپلو مرستو د ویشلو خبرتیا په معین وخت د یاد ریاست د انسجام له لوی مدیریت سره شریک کړي.

یاد شوي هیئت پر هغوی ټینګار وکړ چې د مرستو له ویشلو وړاندې د هغو مستحقین وپېژني او بې وزله او مستحقو کسانو ته لومړیتوب ورکړي.

دغه راز یاد شوي هیئت هغوی ته توصیه وکړه چې د هغو انځورونو او چارتونو له ځړولو څخه چې د اسلامي امارت د پالیسۍ په خلاف وي، ډډه وکړي.

د خیریه بنسټونو مسؤلینو هم ژمنه وکړه چې مستحقې کورنۍ به په نښه کړي او د عدلیې ریاست د انسجام له لوی مدیریت سره په تفاهم کې به خپلې مرستې وویشي.

یاد شوي هیئت په دغه ولایت کې د یوشمېر عریضه لیکونکو له غیرقانوني فعالیت څخه هم مخنیوی وکړ او د هغو متصدیانو ته یې لارښوونه وکړه چې له غیرقانوني فعالیت څخه ډډه وکړي او د رسمي جواز د اخیستلو په موخه د یاد ولایت د عدلیې ریاست د انسجام لوی مدیریت ته مراجعه وکړي.

تازه خبرونه

پنجشنبه ۱۴۰۴/۶/۶ - ۱۲:۵۶
Background image

د ځمکو له غصب څخه د مخنیوي او د غصب شویو ځمکو د استرداد کمېسیون د رهبرۍ ناسته جوړیدل

 د ځمکو له غصب څخه د مخنیوي کمېسیون رهبرۍ د عدلیې وزیر، د کمېسیون رئیس او  د اراضۍ او د امارتي ځمکو د استرداد وزارت وارسي کوونکي محترم شیخ الحدیث مولوي عبدالحکیم شرعي په مشرۍ د یوې. . .

چهارشنبه ۱۴۰۴/۶/۵ - ۱۴:۴۴
Background image

په نیمروز ولایت کې د معاملاتو لارښوونې له ۸ دفترونو څخه نظارت ترسره شو

 د نيمروز ولایت د عدلیې رياست نظارتي پلاوي، د صفرالمظفر د مياشتې په ۲۶ مه نېټه د چهارشنبې په ورځ د دغه ولايت په دلارام ولسوالۍ کې د معاملاتو لارښوونې له ۸ دفترونو څخه نظارت ترسره کړ او. . .

چهارشنبه ۱۴۰۴/۶/۵ - ۱۴:۳۱
Background image

د ننګرهار عدليې رئيس د معاملاتو لارښوونې د اتحادیې پر مسؤولینو ټینګار وکړ چې له اضافي پیسو اخیستلو څخه ډډه کړي

 د ننګرهار ولایت د عدليې رئیس مولوي محمد رئیس محمدي  د دغه ولایت د معاملاتو لارښوونې اتحادیې مسؤولینو او د جلال‌آباد ښار د نهه‌ګونو ناحیو د معاملاتو لارښوونې دفترونو استازو سره د همغږۍ. . .

BACK TO NEWS