د دفاع وکالت د پنځمې دورې د ورودي ازموینې د نوم لیکنې د پیل په اړه د عدلیې وزارت خبرتیا
د دفاع وکالت د جواز غوښتونکو ته خبر ورکول کېږي، چې د دفاع وکالت د پنځمې دورې د ورودي ازموینې لپاره د نوم لیکنې بهیر د ۱۴۰۴ هجري شمسي کال د زمري (اسد) د میاشتې په ۲۲ نېټه د چهارشنبې په ورځ چې د ۱۴۴۷ هجري قمري کال د صفر المظفر د میاشتې له ۱۹ نېټې سره سمون خوري پيل کیږي او د تلې (میزان) د میاشتې تر ۱۰ نېټې پورې به چې د روان هجري قمري کال د ربیع الثاني ۱۰ نېټې سره سمون خوري، دوام ولري.
د نوم لیکنې پروسه یواځې د عدلیې وزارت په مقر، د مدافع وکیلانو په ریاست کې ترسره کېږي او د نوم لیکنې په مهال د غوښتونکي حضور حتمي دی.
د غوښتونکي صورت او سیرت باید په محمدي صلی الله علیه وسلم سنتو برابر وي که چیرې د غوښتونکي صورت او سیرت په محمدي صلی الله علیه وسلم سنتو برابر نه وی نو د دفاع وکالت په نوم لیکنه کې د ګډون اجازه نه ورکول کیږي.
نوم لیکنې لپاره اړین اسناد:
د عدلیې وزارت د محترم مقام په عنوان رسمي عریضه
د لوړو زده کړو وزارت لخوا تائید شوي د تحصیلی اسنادو رنګه کاپي
د تابعیت تذکرې رنګه کاپي
څلور قطعي عکسونه ۴/۳
د ورودي ازموینې فورمه ډکول (۵۰۰افغانۍ)
په شرایطو د برابرو وروستنی فهرست، د کارتونو د وېش او د ازموینې اخېستو نېټه وروسته اعلانیږي.
د دفاع وکالت د ورودي ازموینې سرچینې:
- عقیدة الطحاوی.
- مجلة الاحکام العدلیة (د عمومیاتو، دعوا، بینات، تحلیف، قضاء، وکالت او عقود برخې).
- د عدلي محکمو اداري اصولنامه.
- د عدلي محکمو حقوقي اصولنامه.
- د مدافع وکیلانو د انسجام کړنلاره.
- د میراث حقوق.
- د جنایاتو فقه (د حدودو برخه).
- هدایه (د شفعې برخه).