د عدليې وزارت د معاملو د لارښوونو او د عریضه لیکونکو د چارو رئیس وپیژندل شو
د عدليې وزارت د مالي او اداري چارو معین ګل محمد ګلزي د دې وزارت د سمون د لوی ریاست د معاملو د لارښوونو او د عریضه لیکونکو د چارو رئيس عبدالهادي امیري قرلق معرفي کړ.
ښاغلي قرلق د آزادې سیالۍ د بهیر له تېرولو او د جمهوري ریاست د حکم له منظورۍ سره د عدليې وزارت د سمون د لوی ریاست د معاملو د لارښوونو او د عریضه لیکونکو د چارو د رئیس په توګه وټاکل شو.
د عدليې وزارت د اداري او مالي چارو معین ګل محمد ګلزي د دې ادارې رئيسانو او کارکوونکو ته د ښاغلي قرلق د ورپېژندنې په ترڅ کې او هغه ته د مبارکۍ تر څنګ، د سمون د لوی ریاست د معاملو د لارښوونو او د عریضه لیکونکو د چارو ریاست د دغه وزارت یو له مهمو او بنسټیزو برخو څخه وباله.
د عدليې وزارت معین د دې وزارت د چارواکو او رئیسانو له ملاتړ څخه د معاملو د لارښوونو او د عریضه لیکونکو د چارو رئیس ته ډاډ ورکړ او خلکو ته د خدمت په لاره کې ورته د لازیاتو بریالیتوبونو استدعا وکړ.
د عدليي وزارت د سمون د لوی ریاست سرپرست هم د دې وزارت د معاملو د لارښوونو او عریضه لیکونکو د چارو د رئیس د پيژندنې پر مهال، هغه ته د مبارکۍ تر څنګ، د دې برخې د کاري بهیر پر چټکتیا ټینګار وکړ او ښاغلي قرلق ته لا برباوو هیله وکړه. ښاغلي قرلق د عدليې وزارت له مشرتابه څخه د مننې تر څنګ، د دې برخې د چارو د ښه والي لپاره د لا زیات کار او هڅو ژمنه وکړه.
هغه د کابل پوهنتون له ادارې او دیپلوماسۍ پوهنځي څخه د لېسانس سند لري او له دې مخکې يې په بېلابېلو ادارو کې دنده تر سره کړې ده.
