په هرات ولایت له ۴ مارکېټونه څخه نظارت ترسره شو
د هرات ولایت د عدلیې رياست په مشرۍ د کرایو د کنټرول ګډې کمېټې په یاد ولایت کې د ذوالقعدې د مياشتې په ۴مه نېټه د سېشنبې په ورځ د هرات ښار په دیارلسمه ناحيه کې له ۴ مارکېټونو څخه نظارت ترسره کړ.
د یاد نظارت په ترڅ کې د مارکېټونو مسؤولینو ته توصیه وشوه چې له هغو معاملاتو ډډه وکړي چې د ۱۴۰۳ کال په پرتله کرایه له لس سلنې څخه پهکې ډېره شوې وي. همداراز کمېټې ټینګار وکړ چې له مالیاتو څخه د تېښتې په موخه دې د مارکېټونو مسؤولین جعلي اسناد نهکاروي او ټول معاملات دې د معاملاتو لارښوونې د رسمي دفترونو له لارې ترسره کړي.
د هرات ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
