عدلیې وزارت د تېرې یوې میاشتې په ترڅ کې د معاملاتو لارښوونې ۱۱۱ نوي جوازونه ويشلي دي
د عدلیې وزارت د انسجام عمومي رياست د معاملاتو لارښوونې او د عريضه ليکونکو د چارو رياست، د تېر کال د حوت (کب) میاشتې په اوږدو کې ۱۱۱ تنو غوښتونکو ته د معاملاتو لارښوونې د فعالیت نوي جوازونه وېشلي او د فعالیت ۲۳ نور جوازونه یې تمديد کړي دي.
دغه راز ياد رياست د تېرې مياشتې په اوږدو کې د کابل ولایت په کچه د معاملاتو لارښوونې دفترونو فعالیتونه څارلي او د معاملاتو لارښوونې ۳ دفترونه یې د غير قانوني فعاليت له امله تړلي دي.
د یاد ریاست نظارتي پلاوي د معاملاتو لارښوونې نورو متصدیانو ته توصیه کړې ده چې خپلې کاري نیمګړتیاوې حل کړي او له هر ډول ناقانونه فعالیت څخه ډډه وکړي.
همدارنګه، په همدې موده کې د معاملاتو لارښوونې ۱۴۴ متصدیانو ته، په معاملاتو کې د وساطت د اصولو او د معاملاتو ترسره کولو څرنګوالي په برخه کې زده کړه ییزې برنامې جوړې شوي او هغوی ته لازمې زدهکړې وړاندې شوي دي.
