د غزني ولایت د عدليې ریاست او مستوفيت او د موټر پلورنځیو اتحادیې دمسؤولينو ترمنځ د همغږۍ ناسته جوړه شوه
د غزني ولایت د عدلیې رياست، مستوفیت او په یاد ولایت د موټر پلورنځیو د اتحادیې مسؤولينو ترمنځ د همغږۍ ناسته د محرمالحرام د مياشتې په ۱۹ مه نېټه د سهشنبې په ورځ د مستوفیت ادارې په مقر کې جوړه شوه.
د همغږۍ په دې ناسته کې په غزني ولایت کې د موټر پلورنې په برخه کې د موجودو ستونزو، پر وخت چارو ته د رسېدنې او په یاده برخه کې د لا زياتو همکاريو او همغږیو په اړه خبرې وشوې.
همدارنګه په دې ناسته د یادې اتحادیې مسؤولينو په دغه ولایت د موټر پلورنکو ستونزې او یو شمېر وړاندیزونه شريک کړل چې د حل په برخه کې داډ ورکړل شو.
