په کندز ولايت کې د ۳۳۰۰ جریبه امارتي ځمکې تشخیص کېدل
د کندز ولایت د ځمکو له غصب څخه د مخنيوي تخنيکي هيئت ناسته د شوال د مياشتې په ۲۲ مه نېټه د یکشنبې په ورځ، د ياد هيئت د رئيس او غړو په ګډون جوړه کړه.
تخيکي هيئت په دې ناسته کې د عسقلان ساحې اړوند د درې زره دوه سوه شپېته (۳۲۶۰) جریبه او د مردان شاه آلچين ساحه کې د اووه دېرش (۳۷) جریبه ځمکو دوسیې بررسي کړې او په ترڅ کې یې د یادو ساحو ځمکې یې امارتي تشخيص کړې.
هيئت پرېکړه وکړه چې د يادو ځمکو دوسیې د وروستۍ پرېکړې په موخه مرکزي کمېسيون ته واستول شي.
همدارنګه په دې ناسته کې تخنيکي هیئت د کندز ولایت په بېلابېلو ساحو د ځمکو د غصب اړوند یو شمېر نورې دوسیې يې هم بررسي کړې او په اړه یې لازم تصاميم ونيول.
