د غزني ولایت عدلیې رئيس د یاد ولایت د اتحادیو او خیریه بنسټونو له مسؤولینو سره وکتل
د غزني ولایت د عدلیې رئيس مولوي مطیع الحق عثمان د جماديالثاني د مياشتې په ۷ مه نېټه د دوشنبې په ورځ، د یاد ولایت د اتحادیو او خيریه بنسټونو له یو شمېر مسؤولينو سره د عدلیې رياست په مقر کې وکتل.
په دې کتنه کې د عدلیې رئيس ټینګار وکړ چې د اتحادیو او خيريه بنسټونو مسؤولين دې په خپلو کاري اجراآتو کې له خلکو سره ښه چلند وکړي، له جواز پرته او په غير قانوني توګه فعالیت ترسره نهکړي او په منظم ډول دې د عدلیې له رياست سره د خپلو فعاليتونو راپور شريک کړي.
دغه راز په دې کتنه کې د اتحاديو او خيریه بنسټونو مسؤولینو هم خپلې ستونزې او غوښتنې شرېکې کړې چې، د عدلیې ریاست یې د رسیدګۍ په برخه کې هغوی ته ډاډ ورکړ.
