په سرپل ولایت کې د څه باندې ۲ زره جریبه امارتي ځمکې تثبيت او تشخیص
د سرپل ولایت د ځمکو له غصب څخه د مخینوي تخنیکي هیئت ناسته، د جمادی الأولی د میاشتې په ۱۰ مه نېټه د سه شنبې په ورځ، د یاد هیئت د رئیس او غړو په ګډون ترسره شوه.
په دې ناسته کې د یاد ولایت سید اباد ولسوالۍ اړوند په مغل چر ساحه کې د څه باندې دوه زره یوسلو څلور اويا(۲۱۷۴) جریبه ځمکې موضوع په اړه بحث وشو او تر هر اړخيز بحث وروسته یاده ځمکه امارتي تثبيت او تشخيص شوه.
هيئت پرېکړه وکړه چې د یادې ځمکې دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د سرپل ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
