د عدلیې وزارت د ۷ تشو بستونو رقابتي ازموینه اخیستل
د اسلامي امارت د عدلیې وزارت د بشري سرچینو ریاست د روژې د مياشتې په ۱۷ مه نېټه د چهارشنبې په ورځ د یاد وزارت د بېلابېلو ریاستونو څلورمې رتبې او شپږمې رتبې د ۷ تشو بستونو رقابتي ازموینې د آزادې سیالې له لارې واخیسته.
په دې ازموینه کې چې د عدلیې وزارت په مقر کې واخیستل شوه، د عدلیې وزارت د بشري سرچینو ریاست د ظرفیت لوړولو آمر او د یاد وزارت نورو مسؤولینو حضور درلود او د ازموینې له بهیر څخه یې څارنه وکړه
د ازموینې په پیل کې د عدلیې وزارت د بشري سرچینو ریاست د ظرفیت لوړولو آمر د ازموینې د ډول او د پوښتنو څرنګوالي په اړه معلومات ورکړل او ګډونوالو ته یې د ازموینې پروسې له روڼتیا څخه ډاډ ورکړ.
په دغې ازموینه کې د ګډون لپاره ۲۱۹ تنه په شرایطو برابر پېژندل شوي وو او له دغې جملې څخه د هغوی ۱۳۱ تنو په ازموینه کې ګډون وکړ او د یادو بستونو ترلاسه کولو لپاره یې په خپلو کې سیالي وکړه.
