د کنړ ولایت د مرکز د معاملاتو لارښوونو له دفترونو نظارت او بررسي ترسره شوه
د کنړ ولایت د عدلیې ریاست نظارتي پلاوي د جمادي الاول میاشتې په ۲۷ نېټې د دوشنبې په ورځ د یاد ولایت د مرکز په اسعدآباد ښار کې د معاملاتو لارښوونو له یو شمېر دفترونو کتنه او نظارت ترسره کړ.
یاد پلاوي د بررسۍ په ترڅ کې د یادو معاملاتو لارښوونو د دفترونو جوازلیکونه، سټې او د ثبت کتابونه بررسي کړل او متصدیانو ته یې د هغو په کارونو کې د ځینو نیمګړتیاو په دلیل توصیې او لازمې لارښوونې وکړې او ځینې نیمګړتیاوې هم د یاد هیئت لهخوا لرې کړل شوې.
دغه راز یاد پلاوي د معاملاتو لارښوونو د دفترونو مسؤولینو ته توصیه وکړه، هغه کسان چې د وسایطو په ناقانونه پېر او پلور اقدام کوي د یاد ولایت عدلیې ریاست ته وروپېژني او دغه راز هغوی ته لارښوونه کړه چې یاد وسایط باید د معاملاتو لارښوونو د دفترونو له لارې وپېرل او وپلورل شي.
