د کنړ ولایت د استیناف محکمې له رئیس سره د یاد ولایت د عدلیې رئیس کتنه
د کنړ ولایت عدلیې رئیس مفتي عبدالستار حماس د ربیع الاول د میاشتې په ۱۶ نېټې د یکشنبې په ورځ د یاد ولایت د استیناف محکمې له رئیس مولوي عزیزالرحمن یاسر سره وکتل او د یاد ریاست د امارت د قضایاو اړوندو موضوعاتو په تړاو یې له نوموړي سره خبرې وکړې.
په دغې ناسته کې د یاد ولایت د محکمو قاضیانو هم حضور درلود او په هغې کې د امارت د قضایاو اړوندو دوسیو ته په وخت د رسیدګۍ او د عامه حقوقو له ضایع کیدلو څخه د مخنیوي په تړاو بحث او خبرې وشوې او د دغو دواړو ادارو ترمنځ په لا زیاتې همغږۍ ټینګار وشو.
د کنړ ولایت د استیناف محکمې رئیس د یاد ولایت له عدليې ریاست سره د هر ډول همکارۍ ډاډ ورکړ.
