د کابل د علماوو د شورا له یو شمېر غړو سره د عدليې وزارت د سرپرست سره کتنه
د کابل ولایت د علماوو د شورا یو شمېر غړو د شیخ ذبیح الله راشدي په مشرۍ، د ذوالحجې د میاشتې په ۷ نېټه د یکشنبې په ورځ د عدليې وزارت له سرپرست شیخ الحدیث مولوي عبدالحکیم شرعي سره د یاد وزارت په مقر کې وکتل او خبرې وکړې.
په دغې کتنه کې شیخ ظاهر جان خادم، د یادې شورا غړي خبرې وکړې او د دغې شورا د غړو په پېژندګلوۍ سره، د کابل ولایت د علماوو د شورا د کمېټو د فعالیتونو په اړه معلومات وړاندې کړل.
په همدې توګه نوموړي د ځمکو د غصب د مخنیوي او د غصب شوو ځمکو د استرداد کمېسیون د فعالیتونو په تړاو د کابل د علماوو د شورا مشورې، وړاندیزونه او پوښتنې د عدليې وزارت سرپرست او د یاد کمېسیون رئیس سره شریکې کړې.
د عدليې وزارت سرپرست او د ځمکو د غصب د مخنیوي او د غصب شوو ځمکو د استرداد کمېسیون رئیس په دغې کتنه کې د یاد کمېسیون رامنځته کیدلو، تر دې دمه د فعالیتونو او لاسته راوړنو په اړه، د کابل د علماوو د شورا غړو ته معلومات وړاندې کړل او هم یې په دې اړه د هغوی پوښتنو او اندېښنو ته، ځواب ورکړ.
