د غزني ولایت د تخنیکي هیئت د ناستې جوړیدل او دغه ولایت کې له ځینو ساحو څخه لیدنه
د غزني ولایت د ځمکو د غصب د مخنیوي تخنیکي هیئت د ذوالحجې د میاشتې په ۳ نېټه د چهارشنبې په ورځ د هیئت د رئیس او غړو په حضور سره جوړه شوه او د دغه ولایت له ځینو ساحو څخه هم لیدنه وشوه.
په دغې ناسته کې، د ده یک ولسوالۍ موضوع او یو شمېر نور موضوعاتو په اړه بحث وشو او د ځینو سندونو د صحت او سقم په اړه هم بحث وشو. یاد شوي هیئت له یو شمېر مراجعینو سره هم وکتل او د هغوی عریضې ترلاسه کړې.
دغه هیئت له غونډې څخه وروسته د اندړ ولسوالۍ ناني ساحې ته سفر وکړ. په یادې ساحه کې زیاته اندازه امارتي ځمکې غصب شوي او په ساحه کې د غصب بهیر روان وو.
یاد شوي هیئت له ساحې څخه لیدنه او بررسي ترسره کړه او د کادستر نقشه یې په ساحه کې تطبیق کړه. دغه هیئت په ساحه کې نوي تصرفات منع کړل او له امنیتي مسؤلینو څخه یې په دغې ساحه کې د غصب د مخنیوي په برخه کې د همکارۍ غوښتونکی شو او د هغې له متصرفینو څخه هم شرعي سندونه وغوښتل.
