د کنړ ولایت د خاص کنړ ولسوالۍ له ځینو ساحو څخه د یاد ولایت د تخنیکي هیئت لیدنه
د کنړ ولایت د ځمکو د غصب د مخنیوي تخنیکي هیئت د ذوالقعدې د میاشتې په ۲۴ نېټه د سه شنبې په ورځ د خاص کنړ ولسوالۍ بېلابېلو ساحو ته ولاړ او د امارتي ځمکو د تشخیص او تثبیت په برخه کې لازم اقدامات ترسره کړل.
دغه هیئت په حکیم آباد او شامکار کلیو کې له ۱۱۶۵ کادسترې ټوټې څخه لیدنه وکړه او د سندونو د بررسۍ په ترڅ کې مشخصه شوه چې یاده قطعه د عامه څړځای په نوم ثبت او قیدیت لري. د یادې قطعې یو اندازه ځمکه اوس غصب شوې ده.
تخنیکي هیئت ۱۱۶۱ کادسترې ګڼه امارتي ټوټه هم بررسي کړه او د کادستر نقشه یې په کې تطبیق کړه. هیئت د ساحو اوسیدونکو له پاره د تاسیساتو جوړولو او نویو کارونو څخه د ډډې کولو په اړه لازمې لارښوونې وکړې.
د یاد هیئت یو بل ټیم د کادستر ۸۶۴ کادستري ټوټې ته ولاړ او دغې قطعه کې د غاصبینو له خوا د ۱۷ جوړ شویو کورونو مشخصات او د غاصبینو شهرت یې په اړوند جدول کې درج کړ.
