د خوست ولایت د ځمکو د غصب د مخنیوي د تخنیکي هیئت د ناستې جوړیدل
د خوست ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۲۳ نېټه د دوشنبې په ورځ د دغه هيئت د سرپرست (د ښارجوړولو رئيس) او غړو په حضور سره جوړه شوه.
د تخنیکي هیئت یو ګروپ له یو شمېر اشخاصو سره وکتل او د هغوی د موضوعاتو په تړاو له هغوی سره وغږیدل او د مرکزي کمېسیون د دوو مهمو دوسیو اړوند سندونه هم جوړ او مرکز ته واستول.
د یاد هیئت دوه یم ګروپ د صبرۍ ولسوالۍ خلبسات ساحې ته ولاړ او یو اندازه ځمکه چې د هغې دوسیه وړاندې دغه هیئت ته راجع شوې وه، مشاهده او بررسي کړه چې په دغې برخه کې به لازم تصمیم ونیول شي.
