د کندهار ولایت د ځمکو د غصب د مخنیوي د تخنیکي هیئت د ناستې جوړیدل
د کندهار ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۲۳ نېټه د دوشنبې په ورځ د دغه هیئت د رئيس او غړو په حضور سره جوړه شوه.
په دغې ناسته کې، د افغاني ساختماني تصدۍ د ۸۶ جریبه ځمکې د غصب په اړه چې دامان او سپین بولدک ولسوالیو کې موقعیت لري، پنجوايي ولسوالۍ کې پر امارتي ځمکو د یو شخص دعوا، ارغنداب ولسوالۍ کې د دوو نورو اشخاصو د ځمکو موضوع، د ژړۍ ولسوالۍ په دښته کې د ۷ جریبه امارتي ځمکې د دوه تنو نورو غصب او دامان ولسوالۍ کې د امارتي ځمکو د دوو نورو اشخاصو دعوا په اړه بحث او د نظر تبادله وشوه او دغې برخه کې لازم تصمیمونه ونیول شول.
په یادې ناسته کې، د کوچیانو مشران او ملکان هم غوښتل شوي وو او هغوی ته د ځمکو له غصب څخه ځان ساتلو په اړه معلومات ورکړل شول. هغوی ژمنه وکړه چې نور په امارتي ځمکو کې تصرف نه کوي او نورو کوچیانو ته هم د تاسیساتو جوړولو اجازه نه ورکوي.
په دغې ناسته کې د یو لړ نورو موضوعاتو په اړه هم بحث وشو او په دې برخه کې لازم تصمیمونه ونیول شول.
