د کاپیسا ولایت له مدافع وکیلانو سره د همغږۍ ناسته جوړیدل
د کاپیسا ولایت له مدافع وکیلانو سره د همغږۍ ناسته د ذوالقعدې د میاشتې په ۱۰ ڼېټه د سه شنبې په ورځ د کاپیسا ولایت د عدلیې رئیس قاري شکرالله احمد په مشرۍ او د یاد ریاست د حقوقي مرستو آمر په حضور سره جوړه شوه.
په دغې ناسته کې، د عدليې رئیس له عدليې ریاست سره د مدافع وکیلانو ادغام یو نیک ګام وباله او د هغوی د ستونزو د حل په تړاو یې د هر اړخیزې همکارۍ ژمنه وکړه. ورپسې د دغه ریاست د حقوقي مرستو آمر د مدافع وکیلانو د نوې کړنلارې او د مدافع وکیلانو د انجمن لارښوود په اړه معلومات وړاندې کړل.
په دغې ناسته کې، یادو شویو مدافع وکیلانو خپل ستونزې او ننګونې چې په محکمو، امنیه قومانداني او استخباراتو کې د قضیو د رسیدګۍ په بېلابېلو پړاونو کې له هغو سره مخ دي، وړاندې کړې او خپل وړاندیزونه یې مطرح کړل.
د عدليې رئیس له مدافع وکیلانو سره ژمنه وکړه چې د هغوی ستونزو ته به د ټولو اړوندو ارګانونو د استازو په ګډون د یوې ناستې په ترڅ رسیدګي وکړي.
