د ارزګان ولایت ولسوالیو ته د یاد ولایت د ځمکو د غصب د مخنیوي د تخنیکي هیئت سفر
د ارزګان ولایت د ځمکو د غصب د مخنیوي تخنیکي هیئت د تېرې اوونۍ په ترڅ کې د دغه ولایت چوره او ګیزاب ولسوالیو ته سفر وکړ او لازم اجراآت یې ترسره کړل.
دغه هیئت د ګیزاب ولسوالۍ له سیمه ییزو مسوولینو، علماو او مشرانو سره وکتل او د ځمکو د غصب د مخنیوي په اړه یې هغوی ته معلومات ورکړل او له هغوی څخه یې وغوښتل چې یادې برخه کې له دغه هیئت سره همکاري وکړي.
دوه یمه ورځ هیئت چوره ولسوالۍ ته ولاړ او کوتل او خلیلي کاریزونو کې یې له امارتي ځمکو څخه لیدنه وکړه. خلکو په دغې ساحه کې د ملکیت دعوا درلودله چې د هغوی سندونو او قبالو له یادې ساحې سره مطابقت نه درلود.
هیئت له نوري او خوشخوی ساحو څخه هم لیدنه وکړه او خلکو او امارتي مسوولینو ته یې لارښوونه وکړه چې د امارتي ځمکو له غصب څخه دغې ساحه کې مخنیوی وکړي. هیئت په دغې ساحه کې نوي تصرفات منع کړل.
