د عریضې لیکنې د فعالیت جواز له یو شمېر غوښتونکو څخه، آزموینه واخیستل شوه
د عدليې وزارت د انسجام لوی ریاست د معاملاتو د لارښوونې او د عریضه لیکوونکو ریاست له خوا د خپلو مخکنیو آزموینو په دوام، د ۱۴۴۴ هجري قمري کال د شوال د میاشتې په ۲۶ نېټه د سه شنبې په ورځ د عریضې لیکنې د فعالیت د جواز له یو شمېر غوښتونکو څخه د دغه وزارت په مقر کې آزموینه واخیستل شوه.
په یاده آزموینه کې د انسجام د عمومي ریاست رئیس مولوي رحمت الله حقاني او د معاملاتو د لارښوونې او عریضه لیکوونکو ریاست رئیس مولوي سکندریحی عابد له یادې آزموینې څخه څارنه وکړه. په دغه آزموینه کې د عریضه لیکوونکو د فعالیت جواز غوښتونکو شاوخوا ۴۰ تنو برخه اخیستې وه. یاده آزموینه د انسجام د عمومي ریاست د رئیس مولوي رحمت الله حقاني په مقدماتي وینا پیل شوه.
د عدليې وزارت له خوا، وړ خلکو له پاره د عریضې لیکنې د جواز ویشلو په منظور، په میاشت کې دوه ورځې د سه شنبې په ورځو د عریضه لیکنې د جواز غوښتونکو څخه په دغه وزارت کې آزموینه اخیستل کېږي. ترڅو با استعداده او وړ خلک غوره او په اصولي او شفاف ډول په یاده برخه کې خدمت وکړي. چې له امله به یې د خلکو په کارونو کې د آسانتیاو د رامنځته کیدلو سبب شي.
