د عدليې وزارت د خپرونو له رئیس سره د رڼا خصوصي پوهنتون د مسوولینو کتنه
د عدلیې وزارت د خپرونو او عامه اړیکو رئیس مولوي محمد افضل احمد د شوال میاشتې په ۱۲ نېټه د سه شنبې په ورځ د رڼا خصوصي پوهنتون د حقوقو پوهنځي له رئیس ګل حمید حمیدي او د هغه له مل پلاوي سره وکتل.
د عدليې وزارت د خپرونو رئیس یاد هیئت ته د ښه راغلاست ترڅنګ د رسمي جریدې خپرولو او حقوقي محتوا سره د عدالت مجلې د خپرولو په برخه کې د عدلیې وزارت د فعالیتونو او مسوولیتونو په تړاو خبرې وکړې.
د رڼا پوهنتون د حقوقو پوهنځي رئیس د عدليې وزارت حقوقي خپرونو ته په اشارې سره د یاد پوهنتون د ښوونکو د علمي او حقوقي مقالو په خپرولو کې د یاد وزارت د همکارۍ غوښتونکی شو او د عدليې وزارت د خپرونو رئیس د همکارۍ ژمنه وکړه.
په دغې کتنه کې په رسمي جریده کې د یاد پوهنتون د کلنۍ ونډې اخېستلو او یو شمېر نورو موضوعاتو په اړه هم بحث او خبرې وشوې.
