د لغمان ولایت د ځمکو د غصب د مخنیوي د تخنیکي هیئت د ناستې جوړیدل
د لغمان ولایت د ځمکو د غصب د مخنیوي د تخنیکي هیئت ناسته د شوال میاشت په ۱۰ نېټه د یکشنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې، یاد شوي هیئت د دوو اشخاصو د لوړ پوړیزې ودانۍ پر ځمکه د نور متصرفینو د جوړو شویو کورونو د حجمي برآورد په اړه بحث وکړ او د ځمکو له متصرفینو او مالکانو سره یې وکتل او خبرې یې ورسره وکړې. یادو متصرفینو د مالکانو پواسطه د ځمکو د بيې ورکولو او بل ځای ته د خپلو ساختماني موادو او وسایلو د لیږدولو غوښتونکي شول او د ځمکو مالکانو ټینګار وکړ چې د هیئت له پریکړې سره به سم عمل وکړي.
دغه راز تخنیکي هیئت په سرخکان ښارګوټي کې د امارتي شنې ساحې د ۷۳۹ متر مربع ځمکې موضوع بررسي کړه او د هغې مدعی علیه یې غونډې ته وغوښت او د نوموړي خبرې یې واوریدلې او د هغه سندونه یې بررسي کړل. یاد شخص په شنې ساحې کې د تېلو ټانک جوړ کړی او دغه ساحه د قرغه يي ولسوالۍ د ښاروالي له نقشې سره سم، د بل یو شخص د لوړپوړیزې ودانې د شنې ساحې ځمکه ده.
تخنیکي هیئت پریکړه وکړه چې یاد شخص هم راتلونکې غونډې ته وبلل شي او د دواړو لورو په حضور کې د موضوع په اړه لازم تصمیم ونیول شي.
